Pas humbjes 2-1 të Tiranës ndaj Vllaznisë në ndeshjen e zhvilluar në kuadër të Kategorisë Superiore, trajneri i kryeqytetasve, Gugash Magani, reagoi ndaj komenteve të kryebashkiakut të Tiranës, Erion Veliaj.
Magani theksoi se nuk dëshiron të merret me politikën dhe se çdo individ duhet të përqendrohet në detyrën e tij. Ai e hodhi poshtë çdo koment të Veliajt dhe theksoi se ai është një person i sportit dhe jo i politikës.
“Nuk dua t’i hyj politikës. Çdo njeri duhet të bëjë punën e vet. Kryetari i Bashkisë Tiranë ka detyrë shtetërore, ndërsa ne merremi me sport. Unë nuk e llogaris fare se çfarë ka thënë ai (Veliaj). Fare! Unë jam njeri i sportit dhe nuk merrem me politikë”, tha Magani.
Ai shtoi se të dyja institucionet duhet të marrin masa për të zgjidhur këtë problem, pasi presidenti i klubit nuk ka mundësi ta bëjë këtë vetë.
