Sportisti nga Ferizaj Florim Xhabiri ka humbur jetën pas një beteje të gjatë me një sëmundje të rëndë. Lajmi është bërë i ditur nga kryetari i komunës së Ferizajt Agim Aliu.
Me anë të një postimi Aliu, ka shprehur ngushëllime për ndarjen nga jeta në moshë të re të sportistit ferizajas Florim Xhabiri.
“Me dhembje e pikëllim mora lajmin për ndarjen nga jeta në moshë të re të sportistit ferizajas, bashkëqytetarit tonë të veçantë Florim Xhabiri. Florimi ishte shembulli më kuptimplotë i njeriut të fortë, pavarësisht sfidave të rënda shëndetësore. Vepra që la pas Florimi me shembullin e tij të pasionit e të qëndrueshmërisë, janë vlerë e çmuar e sportit tonë. Ngushëllime të sinqerta familjes Xhabiri, sportistëve, sportdashësve e të gjithë të njohurve të të ndjerit. Shpirti i tij u prehtë në paqe”, thotë kryetari i komunës së Ferizajt.
