Biznesmeni 56-vjeçar Bujar Nasufi u vra me armë zjarri pasi ka dalë nga biznesi i tij dhe ndodhej në makinë.
Ai së bashku me vëllanë ishte pronarë i një mobilerie në zonën e “Pallatit me Shigjeta”, zonë ku iu bë dhe atentati. 56-vjeçari nuk ishet me precedentë të mëparshëm penalë dhe është qëlluar me 6 plumba.
Veprimet e autorëve janë pikasur nga kamerat e sigurisë së zonës ku u krye vrasja, pasi aty pranë ndodhen një sërë biznesesh.
Deri më tani në vrasjen e 56-vjeçarit janë përfshirë dy persona, të cilët fillimisht i janë afruar makinës së viktimës dhe më pas mendohet se janë larguar drejt zonës së Selitës.
