Agron Gjekmarkaj, drejtuesi politik i qarkut Lezhë, gjatë fjalës së tij në takimin me demokratët për 34-vjetorin e themelimit të Partisë Demokratike në Lezhë, theksoi se “pranvera e fitores po vjen” dhe se PD mbetet e vetmja alternativë për shpëtimin e vendit.
Ai apeloi për bashkim të të gjithë demokratëve dhe për një front të qëndresës për të shndërruar sfidat në mundësi, duke shtuar se PD dhe opozita janë të gatshme të përballen me të keqen që ka marrë peng vendin. Gjekmarkaj ftoi për një angazhim të përbashkët për të ndaluar regresin dhe krimin që po dëmton Shqipërinë.
“PD mbetet e vetmja alternativë për shpëtimin e vendit. Ne jemi gati ta shndërrojmë sfidën në mundësi dhe ta kthejmë Shqipërinë në rrugën e shpresës. Lezha, Kurbini së bashku me diasporën janë gati të përballen me të keqen që ka marrë peng vendin. Ne jemi më të përkushtuar për të ndaluar krimin, regresin dhe shkatërrimin që po ndodh. Sot më shumë se kurrë kemi nevojë për bashkim, tolerancë dhe për front të qëndresës. Pranvera e fitores po vjen, le të punojmë së bashku për ta bërë këtë vizion realitet”, tha Agron Gjekmarkaj.
