Gazetari Arlind Isa, i ftuar në emisionin “5 pyetjet nga Babaramo”, ka komentuar fushatën dhe situatën politike në Kosovë, duke vënë theksin te problemet e brendshme dhe perceptimin për një mandat të dytë për Albin Kurtin.
“Ka shkuar në një fare kokëfortësie në fushatë. Unë kështu marrëdhënien krijoj me ndërkombëtarët, pra procesin e dialogut e trajtova në këtë formë. Ka probleme të brendshme, të cilat, në dukje, janë në favor të partive të opozitës. Publikisht ishin shumë trima.
Për dy vjet rresht, eksponentë dhe zyrtarë të Vetëvendosjes, publikisht kanë qenë shumë trima, janë shprehur ‘ejani të shkojmë në zgjedhje të parakohshme’, sondazhet tregojnë që ende ka një pëlqyerje në nivele të larta, gjykohet se do të shkojë drejt një mandati të dytë. Nuk e di nëse do të ketë rezultate të thella, por megjithatë ka një perceptim se po shkon drejt mandatit të dytë për Kurtin.“
