Një automjet është gjetur duke u djegur në Vlorë, i cili dyshohet të jetë përdorur nga autorët e vrasjes së 30-vjeçarit Kristian Marku.
Ngjarja e rëndë ndodhi mbrëmjen e kësaj të hëne në autostradën Fier-Vlorë, ku Marku u qëllua me armë zjarri ndërsa ishte duke udhëtuar në automjetin e tij tip “Volkswagen”. Pas atentatit, makina e dyshuar e autorëve u gjet e djegur në një zonë të afërt.
Kristian Marku, i njohur për precedentë të mëparshëm penalë, përfshirë “vrasje me dashje në bashkëpunim të mbetur në tentativë” dhe “mbajtje pa leje e armëve të zjarrit dhe municionit luftarak”, ka qenë një emër i njohur për autoritetet. Hetimet për zbardhjen e ngjarjes dhe identifikimin e autorëve vijojnë.
30-vjeçari i vrarë në Fier-Vlorë kishte precedentë për vrasje të mbetur në tentativë
