Pas shtyrjes së seancës së parë në dhjetor, sot ka nisur shqyrtimi i çështjes për vrasjen e Pëllumb Metës në Shënavlash, ndodhur më 10 shkurt të vitit të kaluar. Seanca paraprake u zhvillua, por munguan dy prej fëmijëve të të pandehurve, Hygerta dhe Hysen Meta.
Gjyqtarja Suela Xhani vendosi që seanca e ardhshme të mbahet më 30 janar dhe të jenë të gjithë të pandehurit prezentë.
Në këtë krim të rëndë, të akuzuar janë tre fëmijët e viktimës, nëna e tyre Blerina Meta, si dhe një tjetër person për ndihmë në fshehjen e provave. Hetimet e Prokurorisë së Durrësit u mbyllën në dhjetor, ndërsa dosja kaloi për gjykim. Akuzat ndaj të pandehurve mund të ndryshojnë gjatë procesit të gjykimit.
