Në Hagë vazhdon procesi gjyqësor ndaj ish-drejtuesve të UÇK-së. Pas ndërprerjes së dëshmisë së Sokol Dobrunës ka filluar të dëshmojë një dëshmitar i mbrojtur. Dëshmitari i mbrojtur betimin e dha në gjuhën shqipe, shumica e dëshmisë së tij po jepet në seancë të mbyllur.
Prokurori Cezary Michalczuk dha një përmbledhje të shkurtër lidhur me dëshmitarin. “Në 1999 dëshmitari (Ë04500) u arrestua nga anëtarë të armatosur të UÇK-së dhe u dërgua në një vend ndalimi ku është marrë në pyetje dhe është rrahur.
Është mbajtur i ndaluar me disa persona të tjerë dhe më pas është zhvendosur me disa prej tyre në një vend të dytë ndalimi. Dëshmitari (Ë04500) u lirua pas rreth një muaji në ambientet e ndalimit”, ka deklaruar ai.
