Qeveria e Suedisë ka propozuar kushte më të ashpra për marrjen e shtetësisë, duke kërkuar që të huajt të kenë jetuar për 8 vjet në vend, në krahasim me pesë vitet aktuale.
Sipas komisionit të ekspertëve, kandidatë për shtetësi duhet të kalojnë gjithashtu një test për njohuritë mbi shoqërinë suedeze dhe vlerat e saj, si dhe teste gjuhësore. Ministri i Emigracionit, Johan Forschel, tha se shtetësia duhet fituar, jo dhënë pa kushte, veçanërisht pas fluksit të madh të azilkërkuesve gjatë krizës së migracionit të vitit 2015.
Propozimet përfshijnë gjithashtu rregulla të ashpra për “sjellje të ndershme” dhe për ata që kanë kryer krime ose janë në borxh. Reforma mund të hyjë në fuqi më 1 qershor 2026.
