Gjykata e Lartë ka rrëzuar rekursin e ish-gjyqtares së Elbasanit, Pajtime Fetahu, kundër vendimit të Apelit të Posaçëm Antikorrupsion, i cili e kishte lënë atë në masën e sigurisë “arrest në shtëpi” në kuadër të hetimeve për dosjen “Plumbi i Artë 2”.
Fetahu akuzohet për korrupsion dhe bashkëpunim me eksponentë të krimit të organizuar. Ndërkohë, ajo mbahet gjithashtu në “arrest në burg” për një tjetër dosje, atë të Suel Çelës.
Hetimet e SPAK lidhur me komunikimet e saj me anëtarët e organizatës kriminale dhe akuzat për marrje ryshfeti kanë sjellë këtë masë.
