Ministrja e Shtetit për Rininë dhe Fëmijët, Bora Muzhaqi tha në një deklaratë për mediat us hpreh se u miratua një projektligj për të rinjtë. Muzhaqi tha se projektligji do ti hapë rrugën dy programeve të reja që do të mbështesin të rinjtë për të ndjekur ëndërrat e tyre.
“Programi Kombëtar i Talenteve rinore që do të mbështesë të rinjtë në fusha të ndryshme si pjesa e artit, kulturës, edukimit, shkencës teknologjisë, por edhe sportit duke mbështettur të rinjtë në kompeticione ndërkombëtare, dhënien e shpërblimeve për ta dhe vlerësime dhe rezultatet që ata arrijnë. Çdo i ri dhe e re e talentuar nuk do të ketë pengesa për pjesëmarrjen në kompeticionet ndërkombëtare. Me anë të investimit dhe shpenzimeve të mbuluara nga Agjencia Kombëtare e Rinisë, çdo i ri do të ketë mundësinë të marrë pjesë në kompeticione, të ngrejë flamurin shqiptar lart dhe të mund të reflektojë të gjithë talentet e tyre”, tha Muzhaqi.
Ajo theksoi se ky program i nismave komunitare do ti lejojë të rinjtë që të krijojnë projektete e tyre, për ata që kanë fokus ndryshimin e qyteteve dhe fshtarave ku jetojnë.
