Presidenti Joe Biden ka njoftuar uljen e masës së dënimit për rreth 2500 persona, të cilët ishin dënuar për vepra jo të dhunshme që kishin të bënin me drogën.
Ky vendim e bën Bidenin presidentin që ka nënshkruar më shumë falje dhe lehtësim dënimesh se çdo president tjetër në historinë e SHBA. Ai ka theksuar se synon të korrigjojë pabarazitë dhe të ofrojë mundësinë për individët që të rikthehen në komunitetet dhe familjet e tyre pas vuajtjes së dënimit.
Shtëpia e Bardhë nuk ka bërë të njohur emrat e përfituesve, ndërsa Biden premton të shqyrtojë mundësinë për falje dhe lehtësime të tjera dënimesh para fundimit të mandatit.
