Në hetimet për Luiz Dikollarin, i arrestuar në nëntor 2024 në Dibër me dyshimin se po planifikonte një vrasje, ka dalë një zhvillim i ri.
Gjatë kontrollit të makinës së tij, policia gjeti një automatik, doreza dhe 20 litra benzinë, të cilat besohet se do të përdorej për të djegur provat pas krimit. Makina në fjalë rezultoi të ishte në emër të Besmir Hoxhës, një nga viktimat e masakrës së Fushë-Krujës.
Hetimet kanë treguar se Dikollari dhe një person tjetër, ende i paidentifikuar, kishin planifikuar vrasjen e një personi në Dibër, por atentati u parandalua falë informacionit të siguruar nga inteligjenca policore. Hetimet për bashkëpunëtorët e tij vazhdojnë.
