Myftiu i Shkodrës, Imam Muhamed B. Sytari, priti në një takim lamtumire Mons. Angelo Massafra, Arqipeshkvin e Dioqezës Shkodër-Pult, i cili po largohet nga Shqipëria pas më shumë se dy dekadash në këtë detyrë.
Gjatë takimit, ata ndanë mendime për bashkëpunimin e gjatë në forcimin e harmonisë dhe bashkëjetesës ndërfetare në Shkodër, duke theksuar rëndësinë e promovimit të paqes dhe vlerave fetare.
Myftiu shprehu mirënjohjen për kontributin e Mons. Massafra në forcimin e dialogut ndërfetar, ndërsa ky i fundit vlerësoi rolin e Myftiut në ndërtimin e urave të bashkimit mes komuniteteve fetare.
