Në policinë e Shkodrës janë vetëdorëzuar dy persona që kanë lidhje me atentatin ku mbetën 4 të vrarë në Dobraç. Në polici janë dorëzuar Izmir Sakica dhe Samuel Troshani të dyshuar në lidhje me këtë ngjarje. Këta të dy janë të shpallur në kërkim për dhunimin e Vladimir Bruçi në mes të qytetit të Shkodrës më 4 qershor 2024.
Më 30 tetor në Dobraç humbën jetën Hamza Lici, Arlind Bushati dhe çifti i pafajshëm Flutura dhe Bashkim Basha.
Hamza Lici dhe Arlind Bushati po udhëtonin me makinën tip Mercedes Benz C-Class me targa franceze dhe u qëlluan me breshëri automatiku. Makina e dy të rinjve devijoi nga rruga dhe u përplas me motorrin ku po udhëtonin çifti Basha.
Kështu si pasojë gruaja Flutura Basha humbi jetën në vendin e ngjarjes, ndërsa bashkëshorti i saj Bashkimi disa ditë më pas në spitalin e Shkodrës.
