Gjendja shëndetësore e Kryepeshkopit Anastas, sipas mediave greke ka shënuar një përkeqësim të ndjeshëm të premten.
Edhe pse ditët e mëparshme kishte shfaqur disa shenja të vogla përmirësimi, sot tabloja ka ndryshuar, pasi në mëngjes ka shfaqur insuficiencë të shumëfishtë organesh.
Kryepeshkopi ndodhet i shtruar prej 21 ditësh. 95-vjeçari u shtrua në një spital të Tiranës më 30 dhjetor me simptoma të infeksionit të rëndë dhe më 3 janar, pasi kishte shfaqur përkeqësim, u transferua në Athinë.
