Prej 12 ditësh, shërbimi veteriner në Vlorë ka intensifikuar kontrollet për parandalimin e gripit të shpendëve, duke përfshirë vijën bregdetare nga Plazhi i Vjetër deri në Zvërnec, si dhe fshatrat Poro dhe Nartë.
Në fermat e pularive nuk janë regjistruar raste, ndërkohë që në Gjirokastër është shfaqur një vatër e gripit, ku disa pula u gjetën të ngordhura dhe u groposën.
Veterinerët bëjnë apel për banorët që mbajnë shpendë në oborret e tyre, duke iu sugjeruar që të monitorojnë shëndetin e tyre dhe të raportojnë çdo shenjë të dyshuar për gripin H5N1.
