Një anije me 49 emigrantë të paligjshëm nga Egjipti dhe Bangladeshi ka mbërritur në Shëngjin, në kuadër të rinisjes së zbatimit të marrëveshjes mes Italisë dhe Shqipërisë.
Ky është grupi më i madh që mbërrin në Shqipëri pas një ndërprerjeje prej dy muajsh. Emigrantët do t’i nënshtrohen procedurave të verifikimit dhe kontrollit shëndetësor në qendrën pritëse. Për transferimin e emigrantëve në qendrat përtej Adriatikut, do të kujdeset anija patrulluese “Cassiopea”.
Ky transferim vjen pas një periudhe që përfshinte lirimin e azilkërkuesve të dërguar në Gjadër, dhe qeveria ka shpresë për një rezultat më të mirë tani, pasi gjyqtarët e Gjykatës së Apelit do të vendosin për fatin e tyre.
