Zëvendës Ndihmës Sekretari i Përgjithshëm i NATO-s, James Appathurai, ka zbuluar një komplot të dështuar të Rusisë për të vrarë kreun e Rheinmetall, Armin Papperger.
Ai konfirmoi se ky ishte vetëm një nga planet e Rusisë për të eliminuar liderët e industrisë së mbrojtjes në Evropë, të cilët po mbështesnin Ukrainën.
Zyrtari i NATO-s u shpreh se incidentet e sabotimit përfshinin “dalje treni nga shinat, akte zjarrvënieje, sulme në pronat e politikanëve, kërcënime për komplot për të vrarë drejtues të industrisë, si kërcënimi i bërë publik kundër kreut të Rheinmetall, por kishte edhe komplote të tjera”.
Appathurai theksoi se komploti ishte parandaluar falë shërbimeve të inteligjencës së Shteteve të Bashkuara dhe Gjermanisë.
