Katër persona janë arrestuar në Korçë, pasi u kapën në flagrancë duke luajtur lojëra fati në një lokal. U sekuestruan shuma parash të dyshuara si të fituara nga aktiviteti i paligjshëm, 5 celularë, tavolina loje dhe zare.
Pronari i lokalit, një 58-vjeçar, është proceduar penalisht për përshtatjen e ambienteve për zhvillimin e lojërave të fatit. Arrestimet u realizuan nga specialistët për Hetimin e Krimeve në Komisariatin e Policisë Korçë, në bashkëpunim me Forcën e Posaçme “Shqiponja”.
Të arrestuarit janë të moshave 31, 52, 38 dhe 41 vjeç, dhe materialet procedurale janë dërguar në Prokurorinë e Korçës për veprime të mëtejshme.
