Kina ka deklaruar se është e gatshme të pranojë shtetasit kinezë që hyjnë në Shtetet e Bashkuara në mënyrë të paligjshme, pas një periudhe të gjatë të goditjeve ndaj emigracionit të paligjshëm nga administrata Trump. Kjo nismë vjen në mes të një fushate të ashpër të dëbimeve masive të emigrantëve të paligjshëm, një politikë që ka pasur mbështetje të gjerë nga opinioni publik amerikan.
Sipas zëdhënëses së Ministrisë së Jashtme kineze, Mao Ning, Kina pranon riatdhesimin e shtetasve të saj, përmes një procesi verifikimi, duke theksuar se autoritetet kineze janë angazhuar për të trajtuar migracionin e paligjshëm në mënyrë efektive dhe për të bashkëpunuar me SHBA-në dhe vendet e tjera. Numri i emigrantëve kinezë të arrestuar në kufirin SHBA-Meksikë është rritur ndjeshëm gjatë vitit 2024.
