Autoriteti Portual në Durrës ka njofuar se për shkak të motit të keq peshkimi është bllokuar. Anijet me mallra rinfuzo, si grurë, çimento kanë mbyllur habarët, ndërsa tragetet vijojnë lundrimin normalisht.
“Aktiviteti portual ka pësuar ndëprerje të herë pas hershme si rrjedhojë e kushteve të vështira të motit, ndërkohë që lundrimi i trageteve ka vijuar normalisht. Flota e peshkimit aktualisht ndodhet e akostuar deri në përmirësimin e kushteve të motit.
Nga ana jonë janë marë masat për sigurimin e mjeteve lundruese që ndodhen në port dhe po koordinohemi me institucionet detare për ecurinë e operacioneve portuale apo efikasitetin e shërbimeve portuale”, njofton Autoritetit Portual në Durrës.
