Presidenti Bajram Begaj priti Ambasadorin e parë të Indisë në Shqipëri, Ravindra Prasad Jaiswal.
Ai shprehu kënaqësinë për hapjen e Ambasadës indiane në Tiranë dhe besimin se Ambasada shqiptare do të rihapet në New Delhi brenda këtij viti. Presidenti Begaj theksoi se marrëdhëniet midis dy vendeve janë të forta, duke u lidhur shpirtërisht me figurën e Shën Terezës.
Ai shprehu besimin se rikthimi i misioneve diplomatike të ndërsjella do të forcojë shkëmbimet dhe bashkëpunimin në nivel rajonal dhe global.
