Këshilli i Lartë i Prokurorisë ka pranuar pjesërisht kërkesën e Inspektorit të Lartë të Drejtësisë (ILD) për prokurorin Kledian Llaho, duke i caktuar masën disiplinore “Vërejtje publike”. ILD kishte kërkuar uljen e pagës së Llaho me 40% për një vit për shkak të zvarritjes së një hetimi, duke lënë pa veprime dosjen për mbi dy vjet.
Hetimi disiplinor ndaj Llaho nisi pas ankesës së një qytetari dhe konkludoi se ai kishte shkelur detyrat e tij duke mos kryer veprime të nevojshme në hetim. KLP vendosi të mos miratojë uljen e pagës, por të shqiptojë një ndëshkim më të lehtë, duke caktuar “Vërejtje publike”. Llaho gjithashtu është nën hetim nga SPAK për dyshime për veprime korruptive.
