Parashqevi Simaku, një nga këngëtaret më të dashura për publikun shqiptar, do të dalë të mërkurën nga spitali, pas një periudhe të gjatë qëndrimi dhe izolimi që ka zgjatur mbi një muaj. Lajmin e ka shpërndarë biznesmeni Elton Ilirjani përmes një postimi në Instastory, ku ka shkruar: “Flutura del të mërkurën nga spitali.”
“Ditën e mërkurë, Parashqevi Simaku do të lërë spitalin dhe do të t’i rikthehet jetës normale në New York, bashkë me ne. Ditën e mërkurë do të ndodhem atje për ta marrë divën tonë dhe për ta strehuar në shtëpinë e saj të re. Rrugëtimi i saj do të rinisë, edhe pse nuk është e thjeshtë.
Do të shkoj ta takoj, gjithashtu do t’i çoj edhe byrek me spinaq që ajo e ka shumë qejf. Tani që ajo do të dalë, fillon puna e vërtetë, por ne duhet të jemi aty për ta ndihmuar. Ka qenë një muaj interesant, me shumë dhimbje, shpresë, frikëra të ndryshme, por që po ia dalë,” tregoi biznesmeni.
