Pavarësisht denoncimeve të forta në media por edhe raportit të KLSH-së, ministrja e Arsimit, Ogerta Manastirliu vijon që të mbajë në detyrë sekretarin e përgjithshëm, Erez Tola. PD denoncoi sot se me marrjen e detyrës, Manastirliu i dorëzoi Tolës të gjitha kompetencat.
Denoncimi i fortë i PD-së: Shkeljet e rënda të Erzen Tolës, KLSH kërkon largimin por Ogerta e mbron
“Nga ana tjetër, super Sekretari i Përgjithshëm, përveç të ardhurave nga paga, sigurohet të marrë edhe nja 10 mijë euro pagesa për honorare dhe pjesëmarrja në borde apo këshilla drejtues konkretisht nga:
-Qendra Shqiptare për Popullsinë dhe Zhvillimin,
-Agjencia e Sigurimit të Cilësisë në Arsimin Parauniversitar,
-Ministria e Arsimit dhe Sportit,
-dhe Universiteti i Tiranës” deklaron PD.
Gradimi në detyrë i super sekretarit të përgjithshëm sipas selisë blu u krye edhe pas bëmave të këtij të fundit ku përmendim denoncimin lidhur me një universitet të pa akredituar, që si pasojë kishte lënë pa matrikulluar studentët pavarësisht se ata paguan 7 mijë Euro për vit akademik.
Raporti/ Shkeljet që ka bërë sekretari Erez Tola, që Manastirliu e “mbron me thonj”
