Një avion ambulancë që po transportonte një paciente që kishte marrë trajtim mjekësor, nënën e saj dhe 4 anëtarë ekuipazhi, u rrëzua në një lagje të Filadelfias, rreth 30 sekonda pasi ishte ngritur në ajër.
Kryetarja e bashkisë së Filadelfias Cherelle Parker konfirmoi numrin e viktimave nga rrëzimi i avionit mjekësor. Ajo tha se gjashtë pasgjerët kanë mbetur të vrarë, mes tyre një nënë dhe vajza e saj 12-vjeçare dhe katër anëtarët e ekuipazhit.
“Të gjashtë pasagjerët janë vrarë në një avion mjekësor që u rrëzua në një lagje të Filadelfias të premten mbrëma, duke përfshirë një nënë dhe vajzën e saj”, thuhet në njoftimin e zyrës së kryetares së bashkisë.
Ajo tha se shumë persona në lagjen ku u rrëzua avioni janë plagosur, pasi avioni ra në një zonë të banuar dhe shpërtheu në flakë.
Pacientja 12-vjeçare kishte ardhur nga Meksika për tu kuruar për një sëmundje që i rrezikonte jetën dhe po transportohej për në shtëpi. Destinacioni i avionit ishte qyteti Tijuana në Meksikë.
VIDEO dramatike/ Momenti kur avioni bëhet copë copë në Amerikë
