Dhjetëra mijëra njerëz, shumica prej tyre studentë, mbërritën pas dy ditësh marshimi në Novi Sad nga Beogradi në një nga demonstratat më të mëdha në muajt e fundit në vend.
#BREAKING #Serbia JUST IN: Drone footage captures a massive protest in Novi Sad, Serbia.https://t.co/cSTDSGfsRq pic.twitter.com/AVv54IPg2S
— The National Independent (@NationalIndNews) January 31, 2025
Dhjetëra mijëra studentë dolën në këmbë kilometra që ndajnë Kryeqytetin e Serbisë nga qyteti i dytë më i madh. Pamjet e studentëve që mbërritën në këmbë në qytetin verior serb për të bllokuar në mënyrë simbolike urat e Danubit duke filluar nga sot, zbulojnë përmasat e demonstrimi dhe pulsi i lëvizjes studentore gjithnjë në rritje.
Studentët u pritën nga kolegët e tyre studentë nga universitetet e Novi Sadit dhe qyteteve fqinje dhe të gjithë pritet të përshkallëzojnë protestat e tyre duke filluar nga sot duke marshuar drejt stacionit hekurudhor të qytetit, ku më 1 nëntor u vranë 15 qytetarë.
Studentët që kanë krijuar një lëvizje të paprecedentë në Serbi, pa përkatësi përfaqësuese dhe politike, kërkojnë dorëheqjen e presidentit Vuçiç dhe zbardhjen e plotë të informacionit për personat e përfshirë në aksident.
Presioni në rritje nga lëvizja studentore, në të cilën po marrin pjesë aktive të gjitha sindikatat e Serbisë, çoi në dorëheqjen e kryeministrit të vendit këtë javë, diçka që nuk kënaq kërkesat e studentëve për drejtësi.
