Sizmologu Thanasis Ganas ka paralajmëruar për mundësinë e një tërmeti të fuqishëm në Santorini, që mund të shkaktojë cunami dhe shpërthim vullkanik. Ai tha: “Ose do të kemi një seri pasgoditjesh me magnitudë 4.5 deri 4.7, ose një dridhje më të madhe që mund të shkaktojë cunami dhe shpërthim vullkanik.”
Për momentin, janë regjistruar mijëra tërmete të vogla, dhe është thënë se nuk pritet një tërmet mbi magnitudën 6, por një dridhje midis 5 dhe 6 mund të sjellë pasoja si rrëshqitje dhe cunami. Ganas inkurajoi banorët të qëndrojnë të qetë dhe të ndjekin udhëzimet e autoriteteve të Mbrojtjes Civile, pasi masat janë në proces për të përballuar çdo skenar.
