Shefja e Politikës së Jashtme të Bashkimit Evropian, Kaja Kallas, ka mirëpritur emërimin e Peter Sorensenit si dërguar të posaçëm për dialogun ndërmjet Kosovës dhe Serbisë.
Ajo theksoi se normalizimi i plotë i marrëdhënieve është i nevojshëm për të dy shtetet për t’u anëtarësuar në Bashkimin Evropian.
“Normalizimi i plotë i marrëdhënieve është mënyra e vetme për anëtarësimin e Kosovës dhe Serbisë në BE”, ka shkruar ajo.
Në një postim në rrjetin social X, Kallas vlerësoi punën e deritanishme të emisarit Miroslav Lajçak, duke e quajtur atë një bazë të fortë për vazhdimin e dialogut dhe riangazhimin.
