Ditën e sotme ka ndërruar jetë bashkëshortja e ish ministrit të Brendshëm Sandër Lleshaj.
Ish ministri me anë të një postimi në rrjete sociale ka njoftuar për ndarjen nga jeta të bahskëshortes së tij Violeta Lleshaj. Ai shprehet se ikja e bashkëshortes nga jeta i ka lënë në një pikëllim të thellë.
“Të dashur miq, Violeta, bashkëshortja ime dhe nëna e fëmijëve të mi, pushoi në paqen e Zotit, duke na lënë të mbuluar me pikëllim të thellë, por dhe me dashurinë, nderin, dinjitetetin dhe fisnikërinë saj të pafundme. Varrimi do të kryhet në Varrezat e Maminasit në orën 12:00 të datës 04.02.2025. Pushofsh në paqen e pasosur të Zotit e shtrenjta jonë Leta”, shkruan ish ministri Lleshaj.
