Të miturit në konflikt me ligjin janë bërë një fenomen shqetësues dhe në rritje nga viti në vit. Vetëm në vitin 2024, policia e Fierit ka ndaluar 100 të mitur për vepra penale të ndryshme.
Sipas psikologëve, roli i familjes dhe shkollës është vendimtar në parandalimin e përfshirjes së minorenëve në vepra të tilla, pasi shenjat e problemeve shpesh janë të dukshme dhe mund të menaxhohen me ndihmën e psikologëve.
Mungesa e mbikëqyrjes dhe kujdesit të duhur mund të sjellë pasoja të rënda për të rinjtë që përfshihen në aktivitete kriminale. Vepra që kanë kryer të miturit përfshijnë drejtimin e mjetit pa leje, krime kundër shëndetit dhe pronës, si dhe shitjen e narkotikëve.
