Një dokument i zbuluar nga “Home Office” në Mbretërinë e Bashkuar ka alarmuar autoritetet për kërcënimin e bandave kriminale shqiptare, të cilat po kryejnë krime të dhunshme dhe të tmerrshme në të gjithë vendin, raporton GBNews.
Sipas këtij dokumenti, bandat shqiptare përbëjnë një “kërcënim akut” për sigurinë kombëtare, duke pasur lidhje të ngushta me organizatat e tjera kriminale ndërkombëtare, përfshirë mafien italiane, veçanërisht në trafikimin e kokainës.
Një hetim i fundit i lidhur me një vrasje të tmerrshme në West Yorkshire, ku viktima, Rhys Thompson, u gjet me shenja të sulmit brutal, ka nxjerrë në pah metodat e përdorura nga këto grupe. Hetimi sugjeron se vrasja mund të ketë lidhje me bandat shqiptare dhe tregun e kanabisit.
Ky rast është vetëm një nga shumë incidentet që ndodhin për shkak të aktivitetit të këtyre grupeve, të cilët janë të njohur për dhunën dhe krimet e rënda që kanë kryer në Mbretërinë e Bashkuar.
