Para dy ditësh i dënuari Duat Laze u arratis nga burgu i Shënkollit. Nga këqyrja e kamerave të sigurisë rezulton se 49-vjeçari nuk është ndihmuar nga njerëz të tjerë të stafit të burgut.
I dënuari ka shfyrtëzuar rastin që ka qenë në infiermieri dhe më pas është arratisur nga aty. Ai ka dalë jashtë për ajrim dhe është mbështetur tek muri mbi 4 metra dhe më pas është ngjitur nëpërmjet llamarinës dhe ka kapërcyer murin.
Nëna e 49-vjeçarit ka treguar për mediat se nuk ka asnjë informacion për të birin.
“Jam nëna. S’ka telefonuar. Nuk kemi asnjë haber fare, po të kisha do të thosha”, është shprehur ajo për mediat.
Ndërkohë janë arrestuar edhe tre punonjës të burgut për arsye se nuk e kanë vëzhguar atë.
