Sekretari i Përgjithshëm i Partisë Demokratike, Flamur Noka, dhe drejtuesi politik i Njesisë 7, Grigels Muçollari, mblodhën demokratët në Tiranë në prag të protestës të 8 shkurtit.
Ata theksuan nevojën për të reaguar pas akuzave të korruptuara ndaj Kryeministrit Edi Rama. Noka u shpreh se ky marshim është fillimi i një procesi që do të kulmojë me triumfin e 11 majit.
“Ne kemi treguar se të pamunduren e bejme të mundur, ne kemi treguar se jemi e vetmja shpresë dhe që njerëzit presin nga ne. Kudo po ngrihet besimi që me Partinë Demokratike vendi do t’i kthehet normalitetit”, pohoi Noka.
Muçollari shtoi se protestat po shpërthejnë si pasojë e skandaleve të korrupsionit, duke përmendur shpenzimet e tepruara të Ramës me paratë e taksapaguesve.
“Po pse po protestojmë. Sepse kanë dalë në pah aferat e renda korruptive. 33 mije euro verë pinte ai, 10 mije euro seanca donte ai të çlodhej, çartera e fluturime pa fund me taksat tuaja. 8 shkurti është dita e nisjes drejt finishit, drejt triumfit të 11 majit”, tha Muçollari
