Një organizatë kriminale që merrej me trafik droge në portin e Barcelonës urdhëroi vrasjen e David Caballeros, një punonjës porti, i cili u ekzekutua nëntorin e kaluar. Vrasësit, me pagesë 200 mijë euro, dyshohet se ishin shqiptarë, të cilët u kontraktuan nga drejtuesi i klanit, “Lucky”.
Motivi i krimit ishte një përpjekje e mëparshme e Caballeros për të vrarë Lucky, si dhe dyshimet për tradhti në biznesin e drogës. Vrasja u realizua pas disa bisedash të përgjuara nga Guardia Civil, që tregojnë për përgatitjet për krimin.
Pas vrasjes, policia ka arrestuar 25 persona të lidhur me organizatën dhe ka sekuestruar kokainë dhe para të gatshme. Hetimet vazhdojnë.
