Deputeti i PD, Luan Baçi, foli nga Bulevardi “Dëshmorët e Kombit”, ku po zhvillohet protesta kombëtare e opozitës, duke theksuar se sot është dita e opozitës dhe se ajo është de fakto mazhorancë.
Baçi tha se protesta do të vazhdojë, pavarësisht vështirësive, dhe se pjesëmarrja masive do të jetë pika e fortë e protestës.
Luan Baçi: Një protestë në vazhdimësi të mosbindjes civile por e veçantë në llojin e vetë. Sot protestë masive te Dëshmorët e Kombit, forca e numrave do jetë gjëja kryesore. Një protestë që nuk do jetë e fundit, pavarësisht vështirësive se një pjesë e deputetëve janë në diasporë, por ne përsëri punojmë në të gjitha drejtimet.
Nuk ka vende të posaçme për t’u dislokuar. Lum njerëzish që po vijnë edhe nga hotel Tirana. Po vijnë nga të gjitha drejtimet, sot ditë e opozitës që tregon fuqinë e opozitës, ne jemi mazhorance de fakto.
