Kryetari i partisë Demokratike të Lezhës, Gjin Gjoni dhe kryetari i PD-së në Mirditë, Aleksandër Lala kanë dhënë dorëheqjen, pasi do të jenë pjesë e procesit të primareve.
Dorëheqja është detyrim statutor i PD për të gjithë drejtuesit e partisë që duan të maten në primare, dhe kështu ka vepruar edhe kryedemokrati i Lezhës dhe ai i Mirditës.
Gara për primare bën që dy drejtuesit të lënë bosh karrigen e kreut lokal.
Do të jetë kryesia e PD që pritet të komandojë kryetarët e rinj në Lezhë dhe Mirditë, të cilët do të kenë peshën e organizimit të strukturave për zgjedhjet e 11 Majit.
