Deputeti i Bundestagut gjerman, Michael Roth në platformën X ka shkruar për zgjedhjet që po mbahen në Kosovë.
Roth shprehet se sot është dita për të zgjedhur demokracinë dhe shtetin e së drejtës.
“Kosova tani është një nga shtetet më ambicioze në Ballkanin Perëndimor në rrugën e saj drejt anëtarësimit në BE. Në të njëjtën kohë, asnjë vend tjetër nuk e ka kaq të vështirë, sepse disa njerëz e mohojnë sovranitetin e tij. Sot është dita për të zgjedhur demokracinë dhe shtetin e së drejtës. Thuaj jo nacionalizmit dhe urrejtjes”, ka shkruar deputeti gjerman në ‘X’.
