Kreu i PD-së, Sali Berisha, ka komentuar marrjen nën hetim të deputetes së PS-së, Klotilda Bushka, duke theksuar se ajo ka propozuar një amendament të paligjshëm për të shtuar 500 milionë lekë për inceneratorin e Tiranës. Sipas Berishës, ky amendament ishte në shkelje të Kushtetutës, pasi nuk kishte miratimin e Ministrisë së Financave.
“E kam denoncuar unë para, e kam denoncuar me dhjetëra herë unë. A e dini çfarë është kjo Bushka ju? Kjo ngrihet vitin e kaluar në Parlament, në një rast historik, propozon t’i shtohet 500 mln lekë djegësit të Tiranës. Por Kushtetuta e lejon deputetin me kushtin që ta dorëzojë amendamentin ta miratojë Ministria e Financave, kurse zonja ky quhet “amendament oral”. Veliaj shembte shtëpitë se thoshte janë pronat e Klotilda Bushkës. Është kriminele më shumë se ai.
Pse quaj atë, Rama është me keq, fuste amendament oral. Nuk lejohet 1 qindarkë të propozojë Kuvendit pa fjalën e Ministrisë se Fiancave. Janë grahmat e fundit të këtij Kuvendi.”
