Pas ditëve me diell, bora ka mbërthyer lartësitë mbi 1000 metra në Dibër, ku reshjet kanë nisur gjatë orëve të drekës. Temperaturat kanë rënë deri në 3 gradë celsius, duke shkaktuar fillimin e reshjeve në Qafë Murriz, një zonë e njohur për kalimin e bypassit të Rrugës së Arbrit.
Pavarësisht reshjeve që vijojnë, nuk ka pasur probleme me qarkullimin e automjeteve deri tani. Borë ka filluar të bjerë edhe në fshatrat e thella të Bulqizës e Dibrës, si Zerqani, Lura dhe Kalasa e Dodës.
Megjithatë, situata mund të ndryshojë nëse reshjet vazhdojnë dhe temperaturat bien më tej.
