Sot, janë zhvilluar tri ndeshje në kuadër të xhiros së 24-t të Albi Mall Superligës së Kosovës.
Në stadiumin “Fadil Vokrri”, Prishtina dhe Prishtina e Re ndanë pikët pas barazimit 1:1. Prishtina kaloi e para në epërsi, ndërsa Prishtina e Re barazoi në minutën e 73-të.
Prishtina mbetet në vendin e tretë, ndërsa Prishtina e Re në fund të tabelës.
Drenica shënoi fitore 1:0 ndaj Gjilanit, duke ndalur serinë e tri fitoreve radhazi të kundërshtarit, me golin e Kreshnik Ukës nga penalltia.
Drenica ngjitet në vendin e nëntë, ndërsa Gjilani mbetet i pestë.
Ferizaj shënoi fitore me përmbysje 2:1 ndaj Malishevës. Malisheva kaloi në epërsi, por Ferizaj barazoi dhe më pas shënoi golin e fitores nga Ruben Silva në minutën e dytë të kohës shtesë. Me këtë fitore, Ferizaj ngjitet në pozitën e tetë.
