Policia e Sarandës ka finalizuar me sukses operacionin “Focus”, duke goditur veprimtarinë kriminale të vjedhjes së motomjeteve. Gjatë operacionit, janë identifikuar tre autorë të dyshuar për vjedhjen e katër motomjeteve, dy prej të cilëve janë arrestuar, ndërsa një tjetër është shpallur në kërkim.
Gjatë operacionit janë sekuestruar dy motomjete të vjedhura. Njëri nga autorët, Elton Dauti, ishte në kërkim për vjedhje të tjera dhe u arrestua në momentin që po realizonte krime të ngjashme.
Policia njofton se po punohet për kapjen e autorit të tretë të dyshuar.
