Policia e Tiranës ka nisur hetimet për 8 qytetarët që u grumbulluan për të festuar pas arrestimit të kryebashkiakut Erion Veliajt, përpara paraburgimit të “Mine Peza”. Ata janë identifikuar si: S. L., E. V., M. D., B. L., A. K., K. M., A. B., dhe A. K.
Sipas policisë, këta qytetarë kanë prishur qetësinë publike dhe nuk i janë bindur urdhrit të punonjësve të policisë për t’u larguar nga zona. Ngjarja ka ndodhur më 11 shkurt, rreth orës 00:30, në rrugën “Mine Peza”.
Policia ka nisur procedim në gjendje të lirë për veprat penale “Prishja e qetësisë publike” dhe “Mosbindja ndaj urdhrit të punonjësit të policisë”.