Gazetari Flogert Muça, në emisionin “5 Pyetjet nga Babaramo” në Report TV, theksoi se deri tani nuk ka parë asnjë provë që vërteton akuzat për korrupsion ndaj kryebashkiakut Erion Veliaj.
Sipas tij, çështja është mbështetur vetëm në dyshime, veçanërisht për sponsorizimet e OJF-ve nga biznesmenët.
“Unë nuk kam parë prova në dosje, nuk kam parë fakte, por dyshime kam. Pyetja ime është a ka SPAK provë se Erjon Veliaj psh. i ka dërguar mesazh biznesmenëve, Bektashit bie fjala, e t’i thotë hajde më sill 50 mijë euro, ose ço paratë atje? Pra dyshimet mund të jenë se indirekt sponsorizimet e OJF nga bizneset, por unë nuk shoh asnjë provë”, tha Muça.
