Kapiteni i Rubin Kazanit, Igor Vujaçiç, ka folur për shokët e ekipit dhe veçoi sulmuesin shqiptar, Mirlind Daku.
Ai shprehu se Daku është këngëtari më i keq në grupin e ekipit, duke thënë se ka një repertor të kufizuar këngësh. Vujaçiç e ngacmoi Dakun edhe për gërhitjen gjatë natës, duke shtuar se nëse ai do të largohej, do të mund të flinte më qetë.
Megjithatë, ai vlerësoi Dakun si një lojtar të shkëlqyer dhe tha se, për shkak të aftësive të tij, është e paqartë se çfarë e pret në të ardhmen, duke bërë batutën se mund të zëvendësojë Haalandin te Manchester City.
“Nëse do të largohet, më në fund do të mund të fle gjumë! Gërhet në mënyrë të tmerrshme. Nuk e di se ç’do të ndodhë. Futbolli është I paparashikueshëm. Tani, ai dëshiron të qendrojë dhe të ndihmojë ekipin, por është lojtar shumë I mirë dhe vështirë të dish se çfarë e pret në të ardhmen. Ndoshta do të zëvendësojë Halandin tek Mançester Siti”.
