Komisioneri i BE-së për Punët e Brendshme dhe Migracionin, Magnus Brunner, ka theksuar rëndësinë e zbatimit të Paktit për Azilin dhe Migracionin, duke e cilësuar si prioritet për vitin 2025.
Pas një takimi me kryeministren italiane Giorgia Meloni në Romë, Brunner ka vlerësuar përpjekjet e qeverisë italiane për menaxhimin e emigracionit dhe ka diskutuar për një qasje të përbashkët në kthimet e emigrantëve, duke e konsideruar këtë si hallkën e munguar të paktit.
“Ne diskutuam një qasje të përbashkët për kthimet si hallka e munguar në Pakt dhe eksploruam ide të reja për menaxhimin e migracionit,” shtoi Brunner.
Ai gjithashtu ka shprehur mbështetje për iniciativën e Italisë për të krijuar qendra në Shqipëri për trajtimin e emigrantëve dhe për të gjetur zgjidhje për çdo pengesë të mundshme.
