Presidenti i Partisë Republikane Fatmir Mediu ka marrë pjesë në konferencën “Aleanca për qytetarë të përgjegjshëm” që u mbajt në Londër, ku morën pjeë përfaqësues nga 90 shtete.
Mediu në postimin e tij ka theksuar fjalën e kryetrait Mike Johnson, i cili foli për nevojën e ringritjes së vlerave të individit dhe lirisë, duke u përballur me tendencën e kontrollit të qeverive në emër të globalizmit.
Mediu vuri në dukje rëndësinë e ruajtjes së vlerave familjare, traditës dhe identiteteve kombëtare, si dhe nevojën për një partneritet të fortë midis Europës dhe SHBA-së, të bazuar në këto vlera. Ai përmendi edhe fjalën e lideres konservatore britanike Kemi Badenoch, e cila foli për rikthimin e konservatorëve në përgjigje të sfidave të shoqërisë moderne.
