Prokuroria e Gjirokastrës ka sekuestruar pasuritë e D.A., i cili dyshohet për pjesëmarrje dhe kryerje të krimeve nga grup kriminal tek prodhimi e shitja enarkotikëve.
Sipas hetimeve nga Prokuroria, rezulton se D.A., nuk justifikon pasuritë e luajtshme dhe të paluajtshme me të ardhurat dhe burimet financiare.
Ndërsa rezulton se ka dyshime të bazuara në indicie për pjesëmarrje dhe kryerje të krimeve nga grup i strukturuar kriminal, si dhe për kryerjen e krimeve.
“Gjatë procedimit pasuror u identifikuan pasuritë e paluajtshme, blerja e të cilave nuk justifikohet me të ardhurat e këtij shtetasi dhe të familjarëve të tij, të cilat dyshohen se rrjedhin nga veprimtaria kriminale e shtetasit të sipërpërmendur dhe konkretisht:
– Pasuria e llojit “Truall” me sipërfaqe 350m2, në qytetin Gjirokastër;
– Pasuria e llojit “Truall” me sipërfaqe 1500m2 dhe ndërtim 23 m2 në Lazarat, Gjirokastër;
– Pasuria e llojit “Truall” me sipërfaqe 450 m2, në Grehot, Gjirokastër;
– Pasuria e llojit “Truall” me sipërfaqe 1646 m2 në Grehot, Gjirokastër;
– Pasuria e llojit “Arë” me sipërfaqe 7000 m2 në fshatin Arshi Lengo, Gjirokastër;
– Objekt tregtie sipërfaqe e zënë 6500 m2, ndërtuar në vitin 2005 fshati Kordhocë, Lazarat;
– Lokal dhe magazinë, ndërtuar në vitin 2013 fshati Kordhocë;
– Fushë mini futbolli me sip. 500 m2 dhe ndërtesë një kat me sipërfaqe 37.2 m2, ndërtuar në Lazarat; dhe
– Autoveturë “Mercedes Benz”.”, thuhet në njoftim.
