Ministri Igli Hasani ka zhvilluar një vizitë zyrtare në Kuvajt, ku theksoi mundësitë e bashkëpunimit në sektorët e energjisë, infrastrukturës dhe teknologjisë.
Gjatë takimeve, u diskutua rreth mundësive të investimeve të huaja kuvajtiane në Shqipëri, veçanërisht në sektorët e energjisë, infrastrukturës, bujqësisë dhe teknologjisë.
Ministri Hasani theksoi gjithashtu rëndësinë e shkëmbimeve të nivelit të lartë dhe mbështetjes së Kuvajtit për projektet infrastrukturore në Shqipëri.
“Ramë dakord për të inkurajuar më shumë shkëmbime në të ardhmen, edhe nëpërmjet vizitave të nivelit të lartë, për të forcuar më tej partneritetin tonë. Përsërita gatishmërinë e Shqipërisë për investimet direkte kuvajtiane, veçanërisht në energji, infrastrukturë, bujqësi dhe teknologji të avancuar. Gjithashtu, nënshkruam bashkërisht një Memorandum Mirëkuptimi për rritjen e bashkëpunimit mes akademive tona diplomatike, me qëllim krijimin e mundësive të trajnimit për diplomatët e rinj”.
